सूर्यविनायक नगरपालिकाले आयोजना गरेको पाँच दिने महिला लक्षित तालिम समारोहको उद्घाटन नेपाल कम्युनिष्ट पार्टी (नेकपा)का नेता, पूर्वउद्योगमन्त्री तथा प्रतिनिधिसभाका सांसद महेश बस्नेत ज्यूले गर्दै सांसद बस्नेतले समावेशी लोकतान्त्रीक व्यवस्था संसारकै एउटा नमुना व्यवस्था भएको र संविधानत ३३ प्रतिशत महिलाको हकलाई सुरक्षित गर्न सफल भएको भएको बताउनुभयो । उहाँले सहभागिता र समावेशीतालाई संविधानले विशेष ध्यान दिँदै संविधानले राज्यको शक्तिलाई विभाजन गरेको र त्यसलाई अक्षरस पालना तथा अवसरलाई सदुपयोग गर्नुपर्नेमा जोड दिनुभयो ।

नेपाल सरकारले सूर्यविनायक नगरपालिकामा २७ लाख रुपैंया उद्यम घर निर्माण गर्ने रकम छुट्याएको जानकारी गराउँदै सांसद बस्नेतले एउटा जिल्लामा एउटा हाटबजार व्यवस्था गर्ने भनि प्रत्येक जिल्लामा १० लाख छुट्याएको बताउनुभयो ।

कार्यक्रममा सूर्यविनायक नगरपालिकाका प्रमुख बाशुदेव थापा तथा उपप्रमुख जुनादेवी वस्नेतले नगरपालिकामा महिलाले उत्कृष्ट कामहरु गरिरहेको जानकारी गराउँदै महिलाको लागि नगरपालिकाले गर्नुपर्ने सहयोगमा कुनै कमि नहुने बताउनुभयो । उहाँले महिलाले पाएको अधिकारलाई क्षमता वृृद्धि र विकासमा लगाउनु पर्ने भन्दै आगामी निर्वाचनमा उपमेयर, उपप्रमुख लगायतका ठाउँमा नभई राज्यका प्रमुख कार्यकारी पद सञ्चालन गर्ने गरी क्षमता वृद्धि गर्नुपर्नेमा जोड दिनुभयो ।

तालिम अवधिमा ६० जना महिलालाई कानुन, सहकारी, महिला सशक्तिकरण, इलोक्ट्रोनिक तथा मनोपरामर्श सम्बन्धी तालिम दिईने भएको छ ।